കല്പ്പറ്റ : വയനാട് വിജിലന്സ് ആന്ഡ് ആന്റി കറപ്ഷന് ബ്യൂറോ ഡിവൈഎസ്പിയായി സിബി തോമസിന് നിയമനം. കാസര്കോട് വിജിലന്സ് ഇന്സ്പെക്ടറായിരിക്കെയാണ് സ്ഥാനക്കയറ്റം.
അഭിനേതാവുകൂടിയായ സിബി തോമസ് വ്യക്തിജീവിതത്തില് നിരവധി പുരസ്കാരങ്ങള് നേടിയിട്ടുണ്ട്. 2014, 2019, 2022 വര്ഷങ്ങളില് മികച്ച ഉദ്യോഗസ്ഥനുള്ള ഡിജിപിയുടെ ബാഡ്ജ് ഓഫ് ഓണറും 2015 ല് മുഖ്യമന്ത്രിയുടെ പൊലീസ് മെഡലും നേടിയിരുന്നു.
ദിലീഷ് പോത്തന്റെ തൊണ്ടിമുതലും ദൃക്സാക്ഷിയും എന്ന സിനിമയിലൂടെയാണ് സിബി അഭിനയരംഗത്തേക്ക് എത്തുന്നത്. തുടര്ന്ന് പ്രേമസൂത്രം, കാമുകി, ഒരു കുപ്രസിദ്ധ പയ്യന്, ഹാപ്പി സര്ദാര്, ട്രാന്സ്, ന്നാ താന് കേസ് കൊട് തുടങ്ങിയ സിനിമകളില് അഭിനയിച്ചു. രാജീവ് രവി സംവിധാനംചെയ്യുന്ന കുറ്റവും ശിക്ഷയും എന്ന ചിത്രത്തിലൂടെ അദ്ദേഹം തിരക്കഥാകൃത്തിന്റെ കുപ്പായവും അണിഞ്ഞിരുന്നു. സൂര്യ നായകനായ ജയ് ഭീമിലൂടെ തമിഴിലും അഭിനയിച്ചിട്ടുണ്ട്.