കുറ്റ്യാടി: പൂര്‍ണ ജനറല്‍ അനസ്തേഷ്യ നല്‍കി പീഡിയാട്രിക് സര്‍ജറിചെയ്‌ത്‌ നേട്ടവുമായി കുറ്റ്യാടി താലൂക്ക് ആശുപത്രി.
വാണിമേല്‍ സ്വദേശിയായ നാലു വയസ്സുകാരനാണ്‌ വൃഷ്ണ സഞ്ചിക്കടുത്ത് ജന്മനാ ഉണ്ടായിരുന്ന മുഴ നീക്കിയത്‌.
സ്വകാര്യ ആശുപത്രികളില്‍ രണ്ട് ലക്ഷം രൂപ ചെലവുവരുന്നതും പ്രയാസകരവുമായ ഈ ശസ്‌ത്രക്രിയ താലൂക്ക് ആശുപത്രികളുടെ ചരിത്രത്തില്‍ ആദ്യമാണെന്ന്‌ നേതൃത്വം നല്‍കിയ ഡോക്ടര്‍മാര്‍ പറഞ്ഞു. ശസ്‌ത്രക്രിയക്കുശേഷം കുട്ടി പൂര്‍ണ ആരോഗ്യവാനായി വീട്ടില്‍ വിശ്രമത്തിലാണ്.
പീഡിയാട്രിക് സര്‍ജന്‍ സന്തോഷ് കുമാറിന്റെ നേതൃത്വത്തില്‍ സര്‍ജറി ചീഫ് പി കെ ഷാജഹാന്‍, അനസ്തേഷ്യ ചീഫ് പ്രജിത്ത്, ഡോ. അനുഷ, ഡോ. അമിത്‌ എന്നിവര്‍ ചേര്‍ന്നാണ് ശസ്‌ത്രക്രിയ നടത്തിയത്‌. ഹെഡ്‌ നഴ്സ് അംബിക, നഴ്സുമാരായ സന്ധ്യ, ഷിജി, നഴ്സിങ് അസിസ്റ്റന്റുമാരായ ശശീന്ദ്രന്‍, വിഷ്ണു എന്നിവര്‍ സഹായികളായി.