രണ്ടു മാസം മുമ്ബ് ഖത്തറിലെത്തിയ മലപ്പുറം വേങ്ങര പാക്കടപ്പുറായ സ്വദേശി വലിയാക്കത്തൊടി നൗഫല് ഹുദവി (35) ഹൃദയാഘാതത്തെ തുടര്ന്ന് നിര്യാതനായി.
വ്യാഴാഴ്ച രാത്രിയില് കൂട്ടുകാര്ക്കൊപ്പം ഫുട്ബാള് കളിച്ച് വിശ്രമിക്കുന്നതിനിടെ ശാരീരികാസ്വാസ്ഥ്യം അനുഭവപ്പെടുകയായിരുന്നു. പിന്നാലെ മരണം സംഭവിച്ചു. വ്യാഴാഴ്ച രാവിലെ മൂന്നാമത്തെ കുഞ്ഞ് പിറന്നതിന്റെ സന്തോഷം പങ്കുവെച്ചായിരുന്നു നൗഫല് വൈകുന്നേരത്തോടെ സുഹൃത്തുക്കള്ക്കൊപ്പം കളിക്കാനിറങ്ങിയത്.
ജൂലായ് ആദ്യ വാരമാണ് ഇദ്ദേഹം ഖത്തറില് സ്വകാര്യ ടൈപ്പിങ് സെന്ററില് ജോലിയില് പ്രവേശിച്ചത്. നേരത്തെ, ചെമ്മാട് ദാറുല് ഹുദ, സബീലുല് ഹിദായ, ചാമക്കാല നഹ്ജു റശാദ്, ഗ്രേസ് വാലി, ചെറുവണ്ണൂര് അല് അൻവാര് അക്കാദമി എന്നിവടങ്ങളില് അധ്യാപകനായിരുന്നു.
വലിയാക്കത്തൊടി അഹമ്മദ് മുസ്ലിയാരാണ് പിതാവ്. മാതാവ് ആയിശ. കൊടലിട സീനത്ത് ആണ് ഭാര്യ. മക്കള്: മുഹമ്മദ് ഹനൂൻ (മൗലദ്ദവീല ഹിഫ്ളുല് ഖുര്ആൻ കോളേജ് വിദ്യാര്ത്ഥി), മുഹമ്മദ് ഹഫിയ്യ് (അല് ബിര് സ്കൂള് വേങ്ങര), ഒരു ദിവസം പ്രായമായ ആണ്കുഞ്ഞ്. സഹോദരങ്ങള്: മുനീര്, ത്വയ്യിബ്, ബദരിയ്യ.
ഹമദ് മെഡിക്കല് കോര്പറേഷൻ ആശുപത്രി മോര്ച്ചറിയില് സൂക്ഷിച്ച മൃതദേഹം നടപടികള് പൂര്ത്തിയാക്കിയ ശേഷം നാട്ടിലെത്തിക്കും.