മലപ്പുറം:ഹജ്ജ് തീര്ത്ഥാടകര്ക്കായി കോഴിക്കോട് വിമാനത്താവളത്തില് നിന്ന് അഞ്ചു വിമാനങ്ങള് കൂടി സര്വ്വീസ് നടത്തും.ജൂണ് നാലിന് രാവിലെ 5.30 നും രാത്രി ഒമ്പത് മണിക്കും ജൂണ് അഞ്ചിന് ഉച്ചയ്ക്ക് ഒന്നരയ്ക്കും ജൂണ് ആറിന് രാവിലെ അഞ്ചരയ്ക്കും രാത്രി ഒമ്പതിനുമാണ് എയര് ഇന്ത്യയുടെ അധിക സര്വീസുകള്. യാത്രക്കാര്ക്ക് ഏറ്റവും നല്ല സൗകര്യങ്ങളാണ് ഒരുക്കിയിട്ടുള്ളതെന്നും ഒരാശങ്കയും വേണ്ടെന്നും ഹജ്ജ് കാര്യ മന്ത്രി വി അബ്്ജുറഹ്മാന് അറിയിച്ചു.
തീര്ഥാടനത്തിനായി നിലവില് തെരഞ്ഞെടുക്കപ്പെട്ട മുഴുവന് ഹാജിമാര്ക്കും യാത്രാ തിയ്യതി ലഭിച്ചു കഴിഞ്ഞു. വെള്ളിയാഴ്ച തന്നെ ഇക്കാര്യത്തില് തീരുമാനമായിരുന്നു. ഇതു സംബന്ധിച്ച വിവരങ്ങള് ഹജ്ജ് കമ്മിറ്റിയുടെ വെബ്സൈറ്റില് ലഭ്യവുമാണ്. പുതുതായി അവസരം ലഭിച്ച ഏതാനും പേര്ക്ക് വിസ നടപടികള് പൂര്ത്തിയാകുന്നതോടെ യാത്രാ തിയ്യതി ലഭിക്കും.മന്ത്രി പറഞ്ഞു.