ലണ്ടന്: ബ്രിട്ടീഷ് സര്ക്കാര് ആപ്പിളിനോട് ആവശ്യപ്പെട്ടിരുന്ന എന്ക്രിപ്റ്റുചെയ്ത ഡാറ്റയിലെ ”ബാക്ക്ഡോര് പ്രവേശനം” നല്കണമെന്ന ഉത്തരവ് പിന്വലിച്ചതായി അമേരിക്കന് ദേശീയ ഇന്റലിജന്സ് ഡയറക്ടര് തുല്സി ഗാബാര്ഡ് അറിയിച്ചു.
യുകെയുടെ Investigatory Powers Act പ്രകാരം ആപ്പിളിന് അവരുടെ എന്ക്രിപ്റ്റുചെയ്ത സേവനങ്ങളില് പ്രത്യേക പ്രവേശന കവാടം (backdoor) ഒരുക്കണമെന്നായിരുന്നു സര്ക്കാരിന്റെ ആവശ്യം. എന്നാല്, ഉപഭോക്താക്കളുടെ സ്വകാര്യതയും ഡാറ്റാ സുരക്ഷയും ബാധിക്കുന്ന നടപടി എന്ന നിലയില് ആപ്പിള് ഇതിനെ ശക്തമായി എതിര്ത്തു.
ആപ്പിള് ബ്രിട്ടനില് അവരുടെ Advanced Data Protection (ADP) സേവനം പോലും താത്കാലികമായി നിര്ത്തിവെച്ചിരുന്നു. തുടര്ന്ന് അമേരിക്കന് ഭരണകൂടത്തിന്റെ ഇടപെടലും അന്താരാഷ്ട്ര സമ്മര്ദ്ദങ്ങള്ക്കും പിന്നാലെ യുകെ സര്ക്കാര് ഈ ആവശ്യം പിന്വലിക്കുകയായിരുന്നു.
”സ്വകാര്യതയും സുരക്ഷയും സംരക്ഷിക്കുന്നതിന് ഇത് നിര്ണായകമായ വിജയം ആണ്,” എന്ന് തുല്സി ഗാബാര്ഡ് പ്രതികരിച്ചു.
ഈ തീരുമാനത്തോടെ ഭാവിയില് ടെക് കമ്പനികളോട് വ്യത്യസ്ത സര്ക്കാരുകള് ആവശ്യപ്പെടുന്ന ”ബാക്ക്ഡോര്” സംവിധാനങ്ങള്ക്കുള്ള നിയമ-സാങ്കേതിക പോരാട്ടം വീണ്ടും അന്താരാഷ്ട്ര തലത്തില് ചര്ച്ചാവിഷയമാകുമെന്നാണ് വിദഗ്ധരുടെ വിലയിരുത്തല്.