കുവൈത്ത് : രാജ്യത്തെ വനിതകള്ക്കു രാഷ്ട്രീയ, സാമൂഹിക, തൊഴില് മേഖലകളില് 85 ശതമാനം അവകാശങ്ങള് നേടിയെടുക്കാന് സ്ത്രീ ശാക്തീകരണത്തിലൂടെ കഴിഞ്ഞിട്ടുണ്ടെന്ന് സാമ്ബത്തികകാര്യ മന്ത്രി മറിയം അല് അഖീല്. ഐക്യരാഷ്ട്രസഭയുമായി സഹകരിച്ച് കുവൈത്ത് യൂനിവേഴ്സിറ്റി സോഷ്യല് സയന്സ് വിഭാഗത്തിലെ സെന്റര് ഫോര് വുമന്സ് ആന്ഡ് റിസര്ച് നടത്തിയ പരിപാടിയില് സംസാരിക്കുകയായിരുന്നു അവര്.
സ്ത്രീശാക്തീകരണവുമായി ബന്ധപ്പെട്ട് ഐക്യരാഷ്ട്രസഭയുടെ സഹായ സഹകരണത്തെ അവര് പ്രശംസിച്ചു. സഹനശക്തി സഹജമായുള്ള സ്ത്രീകള്ക്ക് എല്ലാവിധ പ്രശ്നങ്ങളും തരണം ചെയ്യാന് സാധിക്കുമെന്നും മര്യം അഖീല് ചൂണ്ടിക്കാട്ടി.