തിരുവനന്തപുരം: ശബരിമല യുവതി പ്രവേശനത്തില് വിശ്വാസികളോടുള്ള വെല്ലുവിളിയാണ് എല്ഡിഎഫ് സര്ക്കാര് നടത്തുന്നതെന്ന് ബിജെപി സംസ്ഥാന അധ്യക്ഷന് കെ. സുരേന്ദ്രന്. ശബരിമല വീണ്ടും കുരുതിക്കളമാക്കാനുള്ള നീക്കമാണ് നടക്കുന്നതെന്നും അദ്ദേഹം പറഞ്ഞു.
യുവതി പ്രവേശനത്തില് എല്ഡിഎഫ് ഉറച്ചു നില്ക്കുന്നുവെന്ന് വ്യക്തമാണ്. ഇതാണ് സിപിഐ സംസ്ഥാന സെക്രട്ടറി കാനം രാജേന്ദ്രന് പറഞ്ഞതില് നിന്ന് മനസിലാകുന്നത്. യുവതി പ്രവേശനത്തില് മുഖ്യമന്ത്രി ഉരുണ്ടുകളിക്കുന്നുകയാണെന്നും സുരേന്ദ്രന് പറഞ്ഞു.
