കൊച്ചി: ക്രൈംബ്രാഞ്ച് മേധാവിയായിരുന്ന എസ് ശ്രീജിത്തിനെ സ്ഥാനത്തുനിന്ന് നീക്കിയതോടെ നടിയെ ആക്രമിച്ച കേസിന്റെ അന്വേഷണ മേല്നോട്ട ചുമതല ആര്ക്കാണെന്ന് അറിയിക്കാന് സംസ്ഥാന പൊലീസ് മേധാവിക്ക് ഹൈക്കോടതിയുടെ നിര്ദ്ദേശം.
എസ് ശ്രീജിത്തിനെ സ്ഥാനത്തുനിന്ന് നീക്കിയതോടെ നടിയെ ആക്രമിച്ച കേസിന്റെയും അന്വേഷണ ചുമതലയില് നിന്നും മാറ്റിയോ എന്നതില് വ്യക്തത നല്കണമെന്നാണ് കോടതിയുടെ നിര്ദ്ദേശം. ഇക്കാര്യം വ്യക്തമാക്കി ഈ മാസം 19 നകം മറുപടി നല്കണമെന്നും കോടതി ആവശ്യപ്പെട്ടു.
പുതിയ ക്രൈംബ്രാഞ്ച് മേധാവിക്ക് കേസ് അന്വേഷണ മേല്നോട്ട ചുമതല നല്കിയിട്ടുണ്ടോ എന്നും അറിയിക്കണം.
