മദ്യപാനത്തെ തുടര്ന്നുള്ള തര്ക്കത്തിനിടെ യുവാവിനെ സ്ക്രൂ ഡ്രൈവര് കൊണ്ട് കുത്തിപരിക്കേല്പ്പിച്ചയാള് അറസ്റ്റില്.
കൊല്ലം പരവൂരിലാണ് സംഭവം. കോങ്ങാല് സ്വദേശിയായ സജിനെ ആക്രമിച്ച കേസില് പരവൂര് പൊഴിക്കര തെക്കേമുള്ളില് അബ്ദുള് വാഹിദിനെയാണ് (38) പരവൂര് പൊലീസ് അറസ്റ്റ് ചെയ്തത്. സജിന് ചികിത്സയിലാണ്.
ഇരുവരും ശനിയാഴ്ച ഒരുമിച്ചിരുന്ന് മദ്യപിക്കുന്നതിനിടെയാണ് സംഭവം. തര്ക്കത്തെ തുടര്ന്ന് സജിന്റെ വീട്ടിലെത്തിയ വാഹിദ് കൈയില് കരുതിയിരുന്ന സ്ക്രൂ ഡ്രൈവര് കൊണ്ട് നെഞ്ചില് ആഴത്തില് കുത്തുകയായിരുന്നു. സജിന് നല്കിയ പരാതിയില് പരവൂര് ഇന്സ്പെക്ടര് എ.നിസാറിന്റെ നേതൃത്വത്തിലായിരുന്നു അറസ്റ്റ്. പ്രതിയെ റിമാന്ഡ് ചെയ്തു.