കോഴിക്കോട്. ധനകാര്യം കൈകാര്യം ചെയ്യുന്നതിലുള്ള കെടുകാര്യസ്ഥതയും സര്ക്കാരിന്റെ ധൂര്ത്തുമാണ് സംസ്ഥാനത്തെ കടുത്ത സാമ്പത്തിക പ്രതിസന്ധിയിലെത്തിച്ചതെന്ന് പ്രതിപക്ഷ നേതാവ് രമേശ് ചെന്നിത്തല. സാമ്പത്തിക പ്രതിസന്ധിയെത്തുടര്ന്ന് സംസ്ഥാനത്ത് പദ്ധതികളൊന്നും നടക്കാത്ത സ്ഥിതിയാണെന്നും അദ്ദേഹം ആരോപിച്ചു.
രണ്ടുമാസമായി ട്രഷറികളില് പണമിലഌ മുന് സര്ക്കാരുകള് ക്ഷേമപ്രവര്ത്തനങ്ങള്ക്കായി കടമെടുത്തിട്ടുണ്ടെങ്കിലും ഇപ്പോള് പണമില്ലാത്തതിനാല് ഭരണം തന്നെ സ്തംഭിച്ചിരിക്കുകയാണ്. ജിഎസ്ടി ലോട്ടറിയാകുമെന്ന് വിചാരിച്ച മന്ത്രി തോമസ് ഐസക് ഇപ്പോള് കിലുക്കത്തിലെ ഇന്നസന്റിന്റെ അവസ്ഥയിലാണ്.
സംസ്ഥാനത്തെ പദ്ധതിനടത്തിപ്പ് സ്തംഭിക്കുന്ന സാഹചര്യത്തില് കെപിസിസിയുടെ നേതൃത്വത്തില് ഒന്പതിനു സെക്രട്ടേറിയറ്റ് പടിക്കല് പ്രതിഷേധ സമരം നടക്കും. 10,11 തീയതികളില് പ്രാദേശികമായി ധര്ണകളും നടത്തും.