പത്തനംതിട്ട: ഗവി-മൂഴിയാര് വനമേഖലയില് പകര്ച്ചപ്പനി ഭീഷണിയില്ലെന്ന് ജില്ലാ കളക്ടര് ആര്.ഗിരിജ. ഈ മേഖലയിലെ ആദിവാസി കുടിലുകളില് പനി പടരുന്നെന്ന മാധ്യമ റിപ്പോര്ട്ടിന്റെ അടിസ്ഥാനത്തില് കളക്ടര് നേരിട്ടെത്തി സ്ഥിതിഗതികള് വിലയിരുത്തി. ഗവിയിലെ പ്രാഥമികാരോഗ്യ കേന്ദ്രത്തിലെ കേസ് ഷീറ്റ് പരിശോധിച്ചതില് നിന്നും ഈ മാസം ഇതുവരെ പനി ബാധിച്ച് അഞ്ച് പേര് മാത്രമേ കുത്തിവയ്പ് എടുത്തിട്ടുള്ളുവെന്ന് കളക്ടര് വ്യക്തമാക്കി.