ലക്നൗ: ലോക്സഭ തെരഞ്ഞെടുപ്പില് വിജയം നേടി മോദി സര്ക്കാര് വീണ്ടും അധികാരത്തില് എത്തുമെന്ന് കേന്ദ്ര ആഭ്യന്തര മന്ത്രി രാജ്നാഥ് സിംഗ്. തന്റെ ലോക്സഭ മണ്ഡലമായ ലക്നൗവിനെ ലോകത്തിലെ ഏറ്റവും മികച്ച നഗരങ്ങളില് ഒന്നായി വികസിപ്പിച്ചെടുക്കാനുള്ള ശ്രമങ്ങളാണ് നടത്തുന്നതെന്നും അദ്ദേഹം പറഞ്ഞു. ഉത്തരാഖണ്ഡില് നിന്ന് ലക്നൗവില് എത്തിയവരുടെ ഉത്തരായനി ആഘോഷങ്ങള് ഉദ്ഘാടനം ചെയ്യുകയായിരുന്നു അദ്ദേഹം. വന് വികസന പദ്ധതികള് ലക്നൗവില് കൊണ്ട് വരുവാന് സാധിച്ചിട്ടുണ്ട്. ലക്നൗ-കാത്തഗോഡം എക്സ്പ്രസ് ട്രെയിന് ദിവസേനയാക്കുമെന്നുള്ള പ്രഖ്യാപനവും മന്ത്രി നടത്തി.
ഇതിനകം ലോക്സഭാ തെരഞ്ഞെടുപ്പിനുള്ള ഒരുക്കങ്ങള് ബിജെപി തുടങ്ങി കഴിഞ്ഞു.ലോക്സഭാ തെരഞ്ഞെടുപ്പിനുള്ള പ്രകടനപത്രിക സമിതിയുടെ അദ്ധ്യക്ഷന് രാജ്നാഥ് സിംഗാണ്. അല്ഫോണ്സ് കണ്ണന്താനവും സമിതിയിലുണ്ട്. അരുണ് ജയ്റ്റ്ലിയാണ് പ്രചാരണ സമിതി അദ്ധ്യക്ഷന്. സാമൂഹ്യസംഘടനകളുടെ ഏകോപന സമിതി അദ്ധ്യക്ഷനായി നിതിന് ഗഡ്കരിയെ നിയമിച്ചു.
പ്രചരണ സാമഗ്രികളും ബുക്ക്ലറ്റുകളും തയ്യാറാക്കാനുള്ള സമിതി സുഷമാ സ്വരാജ് നയിക്കും. ആര് ബാലശങ്കര് സമിതി അംഗമാണ്. രവിശങ്കര് പ്രസാദാണ് മാധ്യമ സമിതി അദ്ധ്യക്ഷന്.