നയ്റോബി: കെനിയന് തലസ്ഥാനമായ നയ്റോബിയിലെ ഹോട്ടല് സമുച്ചയത്തില് ചൊവ്വാഴ്ച സോമാലിയയിലെ അല്ഷബാബ് ഭീകരര് നടത്തിയ ആക്രമണത്തില് കൊല്ലപ്പെട്ടവരുടെ എണ്ണം 21 ആയി.
ഹോട്ടലിലുണ്ടായിരുന്ന 700 പേരെ സുരക്ഷിതമായി ഒഴിപ്പിച്ചെന്നും അഞ്ചു ഭീകരരെ വധിച്ചെന്നും കെനിയന് പ്രസിഡന്റ് ഉഹ്റു കെനിയാറ്റ ടിവി പ്രസംഗത്തില് അറിയിച്ചു.
20 മണിക്കൂര് നേരത്തെ പോരാട്ടത്തിനുശേഷമാണു സൈന്യത്തിന് ഭീകരരെ അമര്ച്ച ചെയ്ത് ഉപരോധം അവസാനിപ്പിക്കാനായത്. 2013ല് നയ്റോബിയിലെ വെസ്റ്റ്ഗേറ്റ് മാളില് അല്ഷബാബ് നടത്തിയ ഭീകരാക്രമണത്തില് 71 പേര് കൊല്ലപ്പെട്ടു. സോമാലിയന് സര്ക്കാരിനെ സഹായിക്കാനായി സൈന്യത്തെ അയച്ചതിനു പ്രതികാരമായാണ് മാളില് ആക്രമണം നടത്തിയത്.