ലഖ്നൗ: ഉത്തര്പ്രദേശിലെ മഹാസഖ്യത്തിന്റെ മോശം പ്രകടനത്തിന് കാരണം ഇലക്ട്രോണിക് വോട്ടിങ് മെഷീനിലെ അട്ടിമറിയെന്ന് ബി.എസ്.പി നേതാവ് മായാവതി. ഇലക്ട്രോണിക് വോട്ടിങ് മെഷീനുകളുടെ സഹായത്തോടെ ബി.ജെ.പി തെരഞ്ഞെടുപ്പ് അട്ടിമറിക്കുകയാണെന്നും മായാവതി ആരോപിച്ചു. ഏറ്റവുമധികം ലോക്സഭാ സീറ്റുകളുള്ള ഉത്തര്പ്രദേശില് എസ്.പിബി.എസ്.പി സഖ്യത്തിന് ബി.ജെ.പിയുടെ തേരോട്ടം തടയാനുമെന്ന വിലയിരുത്തലുകളുണ്ടായിരുന്നു. എന്നാല് യു.പിയിലെ 80 സീറ്റുകളില് നാലില് ഒന്ന് മാത്രം നേടാനേ മായാവതിക്കു കഴിഞ്ഞുള്ളൂ. ബി.ജെ.പിക്ക് 60 ലേറെ സീറ്റുകള് നേടാനും കഴിഞ്ഞു. ‘ഇ.വി.എമ്മുകളുടെ സഹായത്തോടെ ബി.ജെ.പി ദേശീയ തെരഞ്ഞെടുപ്പിനെ ഹൈജാക്ക് ചെയ്യുകയാണ്’ എന്നാണ് തെരഞ്ഞെടുപ്പു ഫലം വന്നതിനു പിന്നാലെ മായാവതി പറഞ്ഞത്.