കോട്ടയം: കേരള കോണ്ഗ്രസ് പാര്ലമെന്ററി പാര്ട്ടി യോഗം ഈ മാസം ഒമ്ബതിന് മുമ്ബ് വിളിക്കുമെന്ന് പാര്ട്ടിയുടെ വര്ക്കിങ് ചെയര്മാന് പി ജെ. ജോസഫ്. ‘മോന്സ് ജോസഫ് വിദേശത്തായതിനാലാണ് യോഗം വിളിച്ചു ചേര്ക്കാന് വൈകുന്നത്. വരുന്ന അഞ്ചിന് അദ്ദേഹം വിദേശത്ത് നിന്നെത്തും. അഞ്ചിനും ഒമ്ബതിനും ഇടക്കുള്ള ഒരു ദിവസം യോഗം വിളിക്കാനാണ് ഉദ്ദേശിക്കുന്നത്. യോഗത്തിന് ശേഷം സമവായമുണ്ടാക്കി മറ്റ് കമ്മിറ്റികളും വിളിച്ചു ചേര്ക്കും.’ – പി ജെ. ജോസഫ് മാധ്യമപ്രവര്ത്തകരോട് പറഞ്ഞു.
തന്െറ പേരിലുള്ള കത്തിനെ കുറിച്ച് അന്വേഷിക്കാതെ ജോസ് കെ. മാണി പ്രതികരിച്ചത് ശരിയായില്ലെന്നും ജോസഫ് പറഞ്ഞു. തെരഞ്ഞെടുപ്പ് കമ്മീഷനിലേക്ക് ഒന്നു വിളിച്ച് കത്ത് കിട്ടിയിട്ടുണ്ടോ എന്ന് ചോദിച്ചതിന് ശേഷം പ്രതികരിക്കാമായിരുന്നു. കാള പെറ്റു എന്ന് കേള്ക്കുമ്ബോഴേക്ക് കയറെടുക്കുന്നത് ശരിയല്ലെന്നും ജോസഫ് പറഞ്ഞു.