കോഴിക്കോട് : ലോക്ഡൗണില് പരമ്ബരാഗത മത്സ്യബന്ധന യാനങ്ങള്ക്ക് ലഭിച്ച ഇളവ് ദുരുപയോഗപ്പെടുത്തി മത്സ്യ ബന്ധനം നടത്തിയ അഞ്ച് ബോട്ടുകള് മറൈന് എന്ഫോഴ്സ്മെന്റ് വിഭാഗം പിടികൂടി. ഇന്നലെ പുലര്ച്ചെ രണ്ടേമുക്കാലോടെ പുതിയാപ്പ, കൊയിലാണ്ടി മേഖലകളില് നടത്തിയ പതിവ് പട്രോളിംഗിനിടെയാണ് നിയമ ലംഘനം ശ്രദ്ധയില്പ്പെട്ടത്.
ചൈതന്യ, സുദാം, സീ സ്റ്റാര്, ശ്രീഭദ്ര, അദ്വിക മോള് എന്നീ ബോട്ടുകളാണ് ഫിഷറീസ് അസിസ്റ്റന്റ് ഡയരക്ടര് എന്.ജുഗ്നു വിന്റെ നേതൃത്വത്തില് പിടികൂടിയത്. പരമ്ബരാഗത മത്സ്യത്തൊഴിലാളികളുടെ ഉപജീവനത്തിന് വിഘാതം സൃഷ്ടിക്കുന്ന മത്സ്യ ബന്ധന രീതികള്ക്കെതിരെ കര്ശന നിയമനടപടി തുടരുമെന്ന് ഫിഷറീസ് ഡപ്യൂട്ടി ഡയറക്ടര് അറിയിച്ചു. മറൈന് എന്ഫോഴ്സ്മെന്റ് എസ്.ഐ അനീശന് എ.കെ എന്നിവരും സംഘത്തിലുണ്ടായിരുന്നു.