കോഴിക്കോട്: കൊയിലാണ്ടിയില് ദേശീയ പാതയിലുണ്ടായ വാഹനാപകടത്തില് രണ്ട് യുവാക്കള് മരിച്ചു. കണ്ണൂര് ചക്കരക്കല്ല് സ്വദേശികളായ ശരത്ത് (32), നിജീഷ് (36) എന്നിവരാണ് മരിച്ചത്.
ഇവര് സഞ്ചരിച്ച കാറും ലോറിയും തമ്മില് കൂട്ടിയിടിക്കുകയായിരുന്നു. പുലര്ച്ചെ ഒരുമണിയോടെ പൊയില്ക്കാവിലായിരുന്നു അപകടം. ഗുരുതരമായി പരിക്കേറ്റ ഇരുവരെയും ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.
കാറിലുണ്ടായിരുന്ന സജിത്ത് എന്നയാള്ക്കും ലോറി ഡ്രൈവര്ക്കും പരിക്കേറ്റിട്ടുണ്ട്. ഇവര് ചികിത്സയിലാണ്. കാര് ഡ്രൈവര് ഉറങ്ങിപ്പോയതാകാം അപകടകാരണമെന്നാണ് കരുതുന്നത്. കാറിന്റെ മുന്വശം പൂര്ണമായി തകര്ന്നിട്ടുണ്ട്. മൃതദേഹങ്ങള് പോസ്റ്റുമോര്ട്ടത്തിനുശേഷം ബന്ധുക്കള്ക്ക് വിട്ടുനല്കും.