തൃശൂരില് വെസ്റ്റ് നൈല് പനി ബാധിച്ച് ഒരാള് മരിച്ചു. പുത്തൂര് ആശാരിക്കോട് സ്വദേശി ജോബി (47) ആണ് മരിച്ചത്. രണ്ട് ദിവസം മുമ്പാണ് പനി ബാധിച്ച് ഇയാളെ മെഡിക്കല് കോളജ് ആശുപത്രിയില് പ്രവേശിപ്പിച്ചത്. പാണഞ്ചേരി പഞ്ചായത്തില് ഇന്ന് ഡ്രൈ ഡേ പ്രഖ്യാപിച്ചിട്ടുണ്ട്.
വെസ്റ്റ് നൈല് പനി കൊതുകില് നിന്ന് പകരുന്ന രോഗമാണ്. മരിച്ച ജോബിയില് നിന്ന് നിലവില് മറ്റാരിലേക്കും രോഗം പകര്ന്നിട്ടില്ല. വെസ്റ്റ് നൈല് രോഗം സ്ഥിരീകരിച്ചതോടെ ആരോഗ്യവകുപ്പ് മുന്കരുതല് നടപടികള് സ്വീകരിച്ചിട്ടുണ്ട്.
കൂടുതല് പേരെ പരിശോധിക്കുന്നുണ്ട്. പ്രദേശത്ത് ഇന്നലെ ജില്ലാ മെഡിക്കല് ഓഫീസറുടെ നേതൃത്വത്തിലുള്ള സംഘം സന്ദര്ശനം നടത്തിയിരുന്നു. പ്രദേശത്ത് രോഗം പരത്തുന്ന ക്യൂലെക്സ് കൊതുകുകളുടെ സാന്നിധ്യം കണ്ടെത്തിയിട്ടുണ്ട്. കഴിഞ്ഞ മാസം പതിനേഴിനാണ് ജോബിയില് രോഗലക്ഷണം കണ്ടെത്തിയത്. തുടര്ന്ന് വിവിധ ആശുപത്രികളില് ചികിത്സ തേടിയിരുന്നു.