കോടതിയിലുണ്ടായിരുന്ന മെമ്മറി കാര്ഡില് നിന്നും തന്റെ ദൃശ്യങ്ങള് ചോര്ത്തിയത് ആരാണെന്ന് അറിയണമെന്ന് അതിജീവിത ഹൈക്കോടതിയില്.
കോടതിയിലെ മെമ്മറി കാര്ഡിലുള്ളത് തന്റെ ദൃശ്യമാണ്. അത് പുറത്ത് പോയാല് തന്റെ ഭാവിയെ ബാധിക്കുമെന്നും അതിജീവിത കോടതിയെ അറിയിച്ചു. കോടതിയുടെ കസ്റ്റഡിയിലിരിക്കെ ആരോ ദൃശ്യങ്ങള് പരിശോധിച്ചു. ഇക്കാര്യത്തില് അന്വേഷണം വേണെമെന്നും അതിജീവിത ആവശ്യപ്പെട്ടു.
എന്നാല് മെമ്മറി കാര്ഡില് നിന്ന് ദൃശ്യം ചോര്ന്നിട്ടില്ലെന്നും ആശങ്ക വേണ്ടെന്നും കോടതി മറുപടി നല്കി. ഈ ഫോറന്സിക് റിപ്പോര്ട്ട് കോടതിയില് നല്കിയത് നിങ്ങള് തന്നെയല്ലേയെന്ന് സര്ക്കാരിനോട് കോടതി ആരാഞ്ഞു. ഹര്ജിയില് വാദം നാളെയും തുടരും.
മെമ്മറി കാര്ഡിന്റെ ഹാഷ് വാല്യു മാറിയെന്നും ഇക്കാര്യത്തില് അന്വേഷണം വേണമെന്നും പ്രോസിക്യൂഷന് ഹൈക്കോടതിയെ അറിയിച്ചു. വിചാരണ വൈകിപ്പിക്കാനാണോ ശ്രമമെന്ന് കോടതി മറുപടിയായി ചോദിച്ചു. എന്നാല് അന്വേഷണം പൂര്ത്തിയാക്കാന് ജൂലൈ 15 വരെ സമയമുണ്ടെന്നും വീഡിയോ ചോര്ന്നുവെന്നതിന്റെ കൂടുതല് പരിശോധനയ്ക്ക് രണ്ടോ മൂന്നോ ദിവസം മാത്രം മതിയെന്നും ഡയറക്ടര് ജനറല് ഓഫ് പ്രോസിക്യൂഷന് കോടതിയില് വ്യക്തമാക്കി .