കെഎസ്ആര്ടിസിയിലെ ശമ്ബള പ്രതിസന്ധി ചര്ച്ച ചെയ്യാന് ഗതാഗതമന്ത്രി ആന്റണി രാജു വിളിച്ച യോഗം ഇന്ന്. മൂന്ന് അംഗീകൃത യൂണിയനുകളുടെ നേതാക്കളും മാനേജ്മെന്റ് പ്രതിനിധികളും ചര്ച്ചയില് പങ്കെടുക്കും.
ഭരണപ്രതിപക്ഷ ഭേദമന്യേ തൊഴിലാളികളുടെ ഉപരോധ സമരം തുടരുകയാണ്.
കെ.എസ്.ആര്.ടിസിയിലെ ശമ്ബള പ്രതിസന്ധിയില് സമരം തുടരുന്നതിനിടെയാണ് ഗതാഗത മന്ത്രി വിളിച്ച ചര്ച്ച. മൂന്ന് അംഗീകൃത യൂണിയനുകളുടെ നേതാക്കളും മാനേജ്മെന്റ് പ്രതിനിധികളും ചര്ച്ചയില് പങ്കെടുക്കും. ശമ്ബള വിതരണത്തിലെ പാളിച്ചകള് 12 മണിക്കൂര് സിംഗിള് ഡ്യൂട്ടി തുടങ്ങിയ പ്രശ്നങ്ങള് തൊഴിലാളി നേതാക്കള് ഉന്നയിക്കും. മെയ് മാസത്തെ ശമ്ബളം മുഴുവന് ജീവനക്കാര്ക്കും ഇതുവരെ വിതരണം ചെയ്തിട്ടില്ല.
ആവശ്യങ്ങള് പരിഹരിച്ചില്ലെങ്കില് പണിമുടക്കിലേക്ക് അടക്കം നീങ്ങേണ്ടിവരുമെന്ന് നേതാക്കള് മുന്നറിയിപ്പ് നല്കിയിരുന്നു. ഹൈകോടതി ഇടപെടലിന്റെ കൂടി പശ്ചാത്തലത്തില് ചര്ച്ച നിര്ണായകമാണ്. മാനേജ്മെന്റ് നിലപാടും തൊഴിലാളി യൂണിയനുകളുടെ ആവശ്യവും ഒരേ രീതിയില് പരിഹരിക്കുക സര്ക്കാരിന് തലവേദനയാണ്.