വര്ഷങ്ങള് ഒരുമിച്ചു താമസിച്ച ശേഷം ബന്ധം തകരുമ്ബോള് ബലാത്സംഗ കുറ്റം ചുമത്തുന്നത് ന്യായീകരിക്കാനാവില്ലെന്ന് സുപ്രീംകോടതി.
രാജസ്ഥാന് സ്വദേശിക്ക് മുന്കൂര് ജാമ്യം അനുവദിച്ചാണ് ജസ്റ്റിസ് ഹേമന്ത് ഗുപ്ത അധ്യക്ഷനായ ബഞ്ചിന്റെ നിരീക്ഷണം.
നാല് വര്ഷം ഒരുമിച്ചു താമസിക്കുകയും ഒരു കുട്ടി ജനിക്കുകയും ചെയ്ത സാഹചര്യത്തില് മുന്കൂര് ജാമ്യം അനുവദിക്കാനാവില്ലെന്ന രാജസ്ഥാന് ഹൈക്കോടതി വിധിയുടെ അപ്പീലിലാണ് സുപ്രീംകോടതി നിരീക്ഷണം. മുന്കൂര് ജാമ്യം മാത്രമാണ് അനുവദിച്ചത്. കേസ് അന്വേഷണവുമായി മുന്നോട്ട് പോകാമെന്നും കോടതി വ്യക്തമാക്കി.
നേരത്തെ കേരളാ ഹൈക്കോടതിയും സമാനമായ പരാമര്ശം നടത്തിയിരുന്നു. ഒരുമിച്ച് ജീവിച്ച ശേഷം സ്നേഹ ബന്ധത്തില് പ്രശ്നങ്ങളുണ്ടാകുമ്ബോള് ഉന്നയിക്കുന്ന പീഡന ആരോപണത്തെ ബലാല്സംഗമായി കാണാനാവില്ലന്നാണ് ഹൈക്കോടതി നിരീക്ഷിച്ചത്. അഭിഭാഷകയെ പീഡിപ്പിച്ചെന്ന കേസില് പ്രതിയായ അഭിഭാഷകന് നവനീത് എന്. നാഥിന്റെ ജാമ്യ ഹരജി പരിഗണിക്കുമ്ബോഴായിരുന്നു ഹൈക്കോടതിയുടെ പരാമര്ശം.