തിരുവനന്തപുരം: എം എം മണിക്കെതിരായ അധിക്ഷേപത്തില് ഖേദം പ്രകടിപ്പിച്ച് മഹിള കോണ്ഗ്രസ് തിരു.ജില്ലാ കമ്മിറ്റി.
നിയമസഭാ മര്ച്ചിന് എത്തിയ പ്രവര്ത്തകരില് ഒരാളാണ് ബോര്ഡ് കൊണ്ടുവന്നതെന്നും മഹിളാ കോണ്ഗ്രസ് നേതൃത്വത്തിന്റെ തീരുമാന പ്രകാരമായിരുന്നില്ല ഇതെന്നുമാണ് ജില്ലാ കമ്മിറ്റിയുടെ വിശദീകരണം. ശ്രദ്ധയില്പ്പെട്ടയുടനെ ബോര്ഡ് മാറ്റാന് നിര്ദ്ദേശിച്ചു. മഹിളാ കോണ്ഗ്രസ് ഉപയോഗിച്ച ബോര്ഡ് മണിക്കോ അദ്ദേഹത്തെ സ്നേഹിക്കുന്നവര്ക്കോ വേദന ഉണ്ടാക്കിയിട്ടുണ്ടെങ്കില് നിര്വ്യാജം ഖേദിക്കുന്നതായും ജില്ലാ കമ്മിറ്റി പ്രസ്താവനയില് വ്യക്തമാക്കുന്നു.
കെ കെ രമയ്ക്ക് എതിരെ എം എം മണി നിയമസഭയില് നടത്തിയ അധിക്ഷേപ പരാമര്ശത്തില് പ്രതിഷേധിച്ചായിരുന്നു മഹിളാ കോണ്ഗ്രസ് നിയമസഭാ മാര്ച്ച് നടത്തിയത്. മണിയെ ചിമ്ബന്സിയായി ചിത്രികരിച്ചുള്ള കട്ടൗട്ടുമായാണ് മഹിളാ കോണ്ഗ്രസുകാര് എത്തിയത്. ചിമ്ബന്സിയുടെ ചിത്രത്തില് എംഎല്എയുടെ ചിത്രം വെട്ടി ഒട്ടിച്ചായിരുന്നു അധിക്ഷേപം.