സംസ്ഥാനത്ത് കൂടുതല് കുരങ്ങുവസൂരി കേസുകള് സ്ഥിരീകരിക്കുന്ന പശ്ചാത്തലത്തില് ജാഗ്രത ശക്തമാക്കി ആരോഗ്യവകുപ്പ്.
നിരീക്ഷണവും പരിശോധനയും കര്ശനമാക്കാനാണ് നിര്ദേശം. നിലവില് മൂന്ന് പേര്ക്കാണ് സംസ്ഥാനത്ത് രോഗം സ്ഥിരീകരിച്ചത്.
കുരങ്ങുവസൂരി കേസുകള് വര്ധിക്കുന്നതിന്റെ ആശങ്കയിലാണ് കേരളം. ഇന്നലെ മലപ്പുറം സ്വദേശിയായ ഒരാള്ക്ക് കൂടി രോഗം സ്ഥിരീകരിച്ചതോടെ ആകെ രോഗികള് മൂന്നായി. കൊല്ലം,കണ്ണൂര് ജില്ലകളിലാണ് മറ്റ് രണ്ട് രോഗികളുള്ളത്. സംസ്ഥാനത്ത് രോഗം സ്ഥിരീകരിച്ച മൂന്ന് പേരും യുഎഇയില് നിന്ന് എത്തിയവരായതിനാല് ഇവിടെ നിന്നുള്ള യാത്രക്കാര് കൂടുതല് ജാഗ്രത പാലിക്കണമെന്നാണ് നിര്ദേശം. നാല് വിമാനത്താവളങ്ങളിലും അന്താരാഷ്ട്ര യാത്രക്കാരെ നിരീക്ഷിക്കാനുള്ള സംവിധാനം നിലവില് ഏര്പ്പെടുത്തിയിട്ടുണ്ട്.
രോഗികളുടെ സമ്ബര്ക്കപ്പട്ടികയില് ഉള്ളവരുടെ പരിശോധഫലം നെഗറ്റീവാകുന്നതിന്റെ ആശ്വാസത്തിലാണ് ആരോഗ്യവകുപ്പ്.