നീതിന്യായ സംവിധാനങ്ങളുടെ പ്രയോജനം എല്ലാ പൗരന്മാര്ക്കും തുല്യമായി ലഭിക്കണമെന്ന് പ്രധാനമന്ത്രി നരേന്ദ്രമോദി.
ജുഡീഷ്യല് രംഗത്തെ അടിസ്ഥാന സൗകര്യങ്ങള് വര്ധിപ്പിക്കാന് യുദ്ധകാലാടിസ്ഥാനത്തില് സര്ക്കാര് പ്രവര്ത്തിക്കുന്നു. ഇ- കോര്ട്ട് സംവിധാനം പ്രത്യക്ഷ തെളിവെന്നും മോദി അഭിപ്രായപ്പെട്ടു.
ലീഗല് സര്വ്വീസ് സൊസൈറ്റി യോഗത്തില് സംസാരിക്കുകയായിരുന്നു പ്രധാനമന്ത്രി. സുപ്രീംകോടതി ചീഫ് ജസ്റ്റിസ് എന് വി രമണയും പരിപാടിയില് പങ്കെടുത്തു. ജില്ലാതല നീതിന്യായ സംവിധാനങ്ങള് ശക്തിപ്പെടണമെന്ന് ചീഫ് ജസ്റ്റിസ് അഭിപ്രായപ്പെട്ടു. നിയമ വ്യവസ്ഥയോടുള്ള ജനങ്ങളുടെ അഭിപ്രായം രൂപപ്പെടുന്നത് അവിടെയാണ്. എല്ലാ പൗരന്മാര്ക്കും തുല്യനീതി ലഭ്യമാകണമെന്നും എന് വി രമണ പറഞ്ഞു.