വയനാട്: ശോച്യാവസ്ഥയിലായ ചിറ്റാരിക്കാല് ഭീമനടി റോഡ് ജില്ലാ കളക്ടര് ഭണ്ഡാരി സ്വാഗത് രണ്വീര്ചന്ദ് സന്ദര്ശിച്ചു.
റോഡ് ശോച്യാവസ്ഥയിലായതിനെത്തുടര്ന്ന് വാഹന ഗതാഗതം നിലച്ചിരുന്നു. ഇതേത്തുടര്ന്ന് ബസുകള് കുന്നുംകൈ വഴിയാണ് സര്വീസ് നടത്തിയിരുന്നത്. ഇതുവഴി ഈ റോഡിലൂടെ സര്വീസ് തുടരാന് സാധിക്കില്ലെന്ന് ചൂണ്ടിക്കാട്ടി ബസുകള് സമരത്തിലേക്ക് കടന്നിരുന്നു. ഈ സാഹചര്യത്തിലാണ് കളക്ടറുടെ സന്ദര്ശനം.
ചിറ്റാരിക്കാല് നര്ക്കിലക്കാട് വരെ 10 കിലോമീറ്ററോളം സഞ്ചരിച്ച് സ്ഥിതിഗതികള് കളക്ടര് വിലയിരുത്തി. പൊതു ജനങ്ങള് വിദ്യാര്ത്ഥികള് ബസ്സുടമകള് എന്നിവരോട് കാര്യങ്ങള് ചോദിച്ചറിഞ്ഞു. വെള്ളരിക്കുണ്ട് ജോയിന്റ് ആര്ടിഒ മേഴ്സിക്കുട്ടി സാമുവല്, പിഡബ്ല്യൂഡി , കിഫ്ബി ഉദ്യോഗസ്ഥര്, ജനപ്രതിനിധികള്, രാഷ്ട്രീയ പാര്ട്ടി പ്രതിനിധികള്, ബസ് ഉടമകള്, പൊതു ജനങ്ങള് തുടങ്ങിയവര് അനുഗമിച്ചു.