കോഴിക്കോട്: വെള്ളിമാടുകുന്നില് ഡിവൈഎഫ്ഐ പ്രവര്ത്തകന്റെ വീടിന് നേരെ പെട്രോള് ബോംബേറ്. ഡിവൈഎഫ്ഐ യൂണിറ്റ് കമ്മറ്റി അംഗം സന്ദീപിന്റെ വീടിന് നേരെയാണ് ആക്രമണമുണ്ടായത്.
മയക്കുമരുന്ന് ഉപയോഗത്തെ എതിര്ത്തതിന്റെ പേരിലാണ് അക്രമണം ഉണ്ടായതെന്നാണ് സിപിഎമ്മിന്റെ ആരോപണം.
കഴിഞ്ഞ ദിവസമാണ് വെള്ളിമാടുകുന്ന് ഇരിയാന് പറമ്ബിലുള്ള വീടിന് നേരെ ഒരു സംഘം പെട്രോള് ബോംബെറിഞ്ഞത്. ബോംബേറില് വീടിന്റെ സിറ്റൗട്ടിലുണ്ടായിരുന്ന കസേരക്കും വസ്ത്രങ്ങള്ക്കും തീ പിടിച്ചു. വീട്ടുകാര് ഇറങ്ങി വന്നപ്പോഴേക്കും സംഘം ഓടി രക്ഷപ്പെടുകയായിരുന്നു. മയക്ക് മരുന്ന് മാഫിയക്കെതിരായി പ്രദേശത്ത് ജാഗ്രതാ സമിതിക്ക് രൂപം നല്കിയിരുന്നു. ഇതിന് പിന്നാലെയാണ് ഡിവൈഎഫ്ഐ പ്രവര്ത്തകന്റെ വീടിന് നേരെ ആക്രമണം ഉണ്ടായത്. ഇക്കാര്യത്തില് ശക്തമായ നടപടി വേണമെന്ന് സിപിഎം ആവശ്യപ്പെട്ടു. സംഭവത്തില് അന്വേഷണം തുടരുകയാണെന്ന് ചേവായൂര് പൊലീസ് അറിയിച്ചു.