കോഴിക്കോട്: കേരളാ സമുദ്രാതിർത്തിയിൽ ചരക്കുകപ്പലിന് തീപിടിച്ചുണ്ടായ അപകടത്തിൽ രക്ഷാപ്രവർത്തനം പുരോ​ഗമിക്കുന്നു. നാവിക സേനയും കോസ്റ്റ് ​ഗാർഡും സംയുക്തമായി രക്ഷാപ്രവർത്തനത്തിലുണ്ട്. കപ്പലിലെ ജീവനക്കാരിൽ 40 പേരിൽ 18 പേരെ ഇതുവരെ രക്ഷപെടുത്തിയിട്ടുണ്ട്. തീ നിയന്ത്രണവിധേയമാക്കാനുള്ള ശ്രമങ്ങളും പുരോഗമിക്കുന്നു.

കോസ്റ്റ് ഗാർഡിന്റെ കപ്പലുകളായ സാഷെറ്റ്, അർൺവേഷ്, സമുദ്രപ്രഹ്രി, അഭിനവ്, രാജ്ദൂത്, സി144 എന്നിവയാണ് രക്ഷാപ്രവർത്തനത്തിലുള്ളത്. നാവികസേനയുടെ ഐഎൻഎസ് സൂറത്തും ഐഎൻഎസ് ​ഗരുഡയും സഹായത്തിനുണ്ട്. കൊച്ചിയിൽ നങ്കൂരമിടാൻ നിശ്ചയിച്ചിരുന്ന ഐഎൻഎസ് സൂറത്തിനെ സേന തിരിച്ചുവിട്ടു. കോസ്റ്റ്ഗാർഡിന്റെ വിമാനങ്ങൾ ആകാശനിരീക്ഷണം നടത്തിവരുന്നു.

കണ്ണൂർ അഴീക്കലിൽ നിന്ന് 40 നോട്ടിക്കൽ മൈൽ അകലെയാണ് കപ്പലുള്ളത്
ഇന്ന് രാവിലെ 9 30 ഓട് കൂടിയാണ് കപ്പലിന് തീപിടിച്ചത്.
650 കണ്ടെയ്നറുകളിൽ അൻപതോളം കണ്ടെയ്നറുകൾ കടലിലേക്ക് വീണതായിട്ടാണ് വിവരം. ഇവയിൽ നാലുതരം അപകടകരമായ കണ്ടെയ്നറിൽ ഉണ്ട് എന്ന് റിപ്പോർട്ട് ചെയ്യപ്പെടുന്നു.