ദോഹ (ഖത്തര്) ന്മ ഇന്നലെ ഗാസയിലെ വെടിനിര്ത്തല് ചര്ച്ചകള്ക്കിടെ ഹമാസ് ഉന്നത നേതാക്കളെ ലക്ഷ്യമിട്ട് ഇസ്രായേല് ഖത്തറിലെ തലസ്ഥാനമായ ദോഹയില് വ്യോമാക്രമണം നടത്തി. ആക്രമണത്തില് ഹമാസിന്റെ ചില അംഗങ്ങളും ഒരു സുരക്ഷാ ഉദ്യോഗസ്ഥനും ഉള്പ്പെടെ അഞ്ചില് അധികം പേര് കൊല്ലപ്പെട്ടു. എന്നാല് പ്രധാന നേതാവ് ഖലീല് അല് ഹയ്യയും മറ്റ് ഉന്നത നേതാക്കളും രക്ഷപ്പെടാന് കഴിഞ്ഞതായി റിപ്പോര്ട്ടുകള് പറയുന്നു. ഖത്തറിന്റെ സാര്വഭൗമത്വത്തെ തുറന്നുതന്നെ ലംഘിച്ചതാണെന്ന് ഖത്തര് ശക്തമായി പ്രതികരിച്ചു. അമേരിക്ക, യൂറോപ്യന് യൂണിയന്, ഐക്യരാഷ്ട്രസഭ, ബ്രിട്ടീഷ് പ്രധാനമന്ത്രി കീര് സ്റ്റാര്മര് എന്നിവര് ഉള്പ്പെടെ അന്താരാഷ്ട്ര സമൂഹം ആക്രമണത്തെ അപലപിച്ചു. ഇസ്രായേല് പ്രതിരോധസേനയും രഹസ്യാന്വേഷണ ഏജന്സിയായ ഷിന് ബെറ്റും ചേര്ന്ന് ആക്രമണം നടത്തിയതാണെന്ന് റിപ്പോര്ട്ട്. ഗാസയിലെ സമാധാന ശ്രമങ്ങള്ക്ക് വലിയ തിരിച്ചടിയാകുന്ന സംഭവമായി ഇത് വിലയിരുത്തപ്പെടുന്നു.