ഗാസ സിറ്റിയുടെ ഹൃദയഭാഗത്തേക്ക് ഇസ്രായേല് കരസേന വലിയ ആക്രമണം തുടങ്ങി. ടാങ്കുകളും ആയുധസജ്ജമായ യൂണിറ്റുകളും നഗരത്തിലെ പ്രധാന പ്രദേശങ്ങളിലേക്ക് മുന്നേറ്റം നടത്തി.
ഇസ്രായേല് പ്രധാനമന്ത്രി ബെഞ്ചമിന് നെറ്റന്യാഹു, ”ഹമാസിനെ പൂര്ണമായി തോല്പിക്കുന്നതാണ് ലക്ഷ്യം” എന്ന് വ്യക്തമാക്കി. പ്രതിരോധമന്ത്രി ഇസ്രായേല് കാറ്റ്സ്, ”ഗാസയില് ഹമാസിന്റെ സൈനിക ഘടനകളെ തകര്ക്കാതെ സമാധാനം സാധ്യമല്ല” എന്ന് പറഞ്ഞു.
ഗാസയിലെ മനുഷ്യാവകാശ സ്ഥിതി ഗുരുതരമാണ്. ലക്ഷക്കണക്കിന് ആളുകള് വീടുകള് വിട്ട് തെക്കോട്ട് ഒഴിഞ്ഞുപോവുകയാണ്. കുട്ടികളും സ്ത്രീകളും ഉള്പ്പെടെ സാധാരണക്കാരുടെ ജീവന് അപകടത്തിലാണെന്ന് ഐക്യരാഷ്ട്രസഭ മുന്നറിയിപ്പ് നല്കി.
അന്താരാഷ്ട്ര തലത്തില് പ്രതിഷേധം ഉയര്ന്നിട്ടുണ്ട്. ഐക്യരാഷ്ട്രസഭ, യൂറോപ്യന് രാജ്യങ്ങള്, മനുഷ്യാവകാശ സംഘടനകള് എന്നിവര് ഇസ്രായേലിന്റെ നടപടി കടുത്ത വിമര്ശന വിധേയമാക്കി.