എടക്കര: ടി സി നല്കാന് ഒരു ലക്ഷം രൂപ ആവശ്യപ്പെട്ട മലപ്പുറം എടക്കരയിലെ സ്വകാര്യ സ്കൂളിനെതിരെ മുഖ്യമന്ത്രിക്കും വിദ്യാഭ്യാസ മന്ത്രിക്കും രക്ഷിതാക്കള് പരാതി നല്കി. അടുത്ത തിങ്കളാഴ്ച ചേരുന്ന സിറ്റിംഗില് വിഷയം പരിഗണിക്കുമെന്ന് ശിശുക്ഷേമ സമിതി വ്യക്തമാക്കി.
എടക്കര പാലുണ്ടയിലെ ഗുഡ് ഷെപ്പേര്ഡ് ഇംഗ്ലീഷ് മീഡിയം സ്കൂളിനെതിരെ പ്രതിഷേധം ശക്തമാകുന്നു. ടി സി നിഷേധിക്കപ്പെട്ട വിദ്യാര്ത്ഥികളും രക്ഷിതാക്കളും പ്രിന്സിപ്പലിനെ ഉപരോധിച്ചു. ടി സിയുമായി ബന്ധപ്പെട്ട കാര്യത്തില് വീശദീകരണം നല്കാന് പോലും തയ്യാറാകാത്ത സാഹചര്യത്തിലായിരുന്നു ഉപരോധം. ഇതിന് പിന്നാലെയാണ് മുഖ്യമന്ത്രിക്ക് ഉള്പ്പെടെ പരാതി നല്കിയത്.
ഇന്ന് മലപ്പുറത്ത് ചേര്ന്ന ശിശുക്ഷേമ സമിതിയുടെ സിറ്റിംഗില് വിഷയം പരിഗണനയ്ക്ക് വന്നു. അടുത്ത തിങ്കളാഴ്ച ഇരുകക്ഷികളോടും ഹാജരാകാന് ആവശ്യപ്പെട്ട് നോട്ടീസ് അയച്ചു.