ഷാര്ജ: ദുബായില് ബസ് അപകടത്തില് മരിച്ച രണ്ടു മലയാളികളെ കൂടി തിരിച്ചറിഞ്ഞു. കണ്ണൂര് സ്വദേശികളായ ഉമ്മര് ചോനോകടവത്ത്, മകന് നബീല് ഉമ്മര് എന്നിവരെയാണ് തിരിച്ചറിഞ്ഞത്. വ്യാഴാഴ്ച വൈകുന്നേരം ഷെയ്ക്ക് മുഹമ്മദ് ബിന് സെയ്ദ് റോഡിലുണ്ടായ വാഹനാപകടത്തില് ആറ് മലയാളികള് ഉള്പ്പെടെ 17 പേരാണ് മരിച്ചത്.
മെട്രോ സ്റ്റേഷനു സമീപമുള്ള ട്രാഫിക് സിഗ്നലിലേക്ക് ബസ് ഇടിച്ചുകയറിയാണ് അപകടം. ബസില് 31 യാത്രക്കാരാണ് ഉണ്ടായിരുന്നത്. പെരുന്നാള് അവധി ആഘോഷിക്കാന് ഒമാനിലെ മസ്ക്കറ്റില്പോയി മടങ്ങിവരുന്നതിനിടെയാണ് അപകടം സംഭവിച്ചത്. പരിക്കേറ്റവരെ റാഷിദ് ആശുപത്രിയില് പ്രവേശിപ്പിച്ചു.