തിരുവനന്തപുരം: ഈ മാസം 22 മുതല് സ്വകാര്യ ബസ്സുകള് അനിശ്ചിതകാല പണിമുടക്കിലേക്ക്. ഡീസല് വില വര്ധനവും പരിപാലന ചെലവും വര്ധിച്ചതനുസരിച്ച് ബസ് ചാര്ജ് വര്ധന വേണമെന്നാണ് ബസ്സുടമകളുടെ ആവശ്യം. കേരള സ്റ്റേറ്റ് ബസ് ഓപ്പറേറ്റേഴ്സ് കോഡിനേഷന് കമ്മിറ്റിയാണ് കണ്വെന്ഷനിലൂടെ സമര പ്രഖ്യാപനം നടത്തിയത്. മിനിമം ചാര്ജ് പത്ത് രൂപയാക്കുക, കെഎസ്ആര്ടിസിയിലും സ്വകാര്യ ബസ്സുകളിലും കണ്സെഷന് ഒരു പോലെയാക്കുക, സര്ക്കാര്-എയ്ഡഡ് സ്ഥാപനങ്ങളിലെ വിദ്യാര്ത്ഥികളുടെ യാത്രാ ഇളവ് അമ്ബത് ശതമാനമാക്കുക, സ്വാശ്രയ-സ്വകാര്യ സ്ഥാപനങ്ങളിലെ വിദ്യാര്ത്ഥികളുടെ യാത്രാ ഇളവ് പൂര്ണ്ണമായും ഒഴിവാക്കുക എന്നിവയാണ് ബസ്സുടമകളുടെ പ്രധാന ആവശ്യങ്ങള്.