മസ്​കത്ത്​: ഒമാനില്‍ 111 പേര്‍ക്ക്​ കൂടി കോവിഡ്​ 19 സ്​ഥിരീകരിച്ചു. ഇതോടെ രാജ്യത്തെ മൊത്തം വൈറസ്​ ബാധിതരുടെ എണ്ണം 1180 ആയി. ശനിയാഴ്​ച രോഗം സ്​ഥിരീകരിച്ചവരില്‍ 78 പേരും വിദേശികളാണ്​. 176 പേര്‍ക്കാണ്​ ഇതുവരെ അസുഖം സുഖപ്പെട്ടത്​. മലയാളിയടക്കം ആറു പേര്‍ മരണപ്പെടുകയും ചെയ്​തു.
പുതുതായി അസുഖ ബാധിതരായവരില്‍ 74 പേരും മസ്​കത്ത്​ ഗവര്‍ണറേറ്റില്‍ നിന്നാണ്​.

ഇവിടെ മൊത്തം വൈറസ്​ ബാധിതര്‍ 931 ആയി. 119 പേരാണ്​ ഇവിടെ രോഗ മുക്​തര്‍​. മരിച്ച ആറു പേരും മസ്​കത്തില്‍ ചികിത്സയിലിരുന്നവരാണ്​. തെക്കന്‍ ബാത്തിനയിലെ രോഗികളുടെ എണ്ണം 76 ആയി ഉയര്‍ന്നു. 12 പേരാണ്​ ഇവിടെ സുഖപ്പെട്ടത്​. ദാഖിലിയയില്‍ 54 രോഗികളാണ്​ ഉള്ളത്​. ഇവിടെ 21 പേര്‍ സുഖപ്പെട്ടു. തെക്കന്‍ ശര്‍ഖിയയിലെ രോഗികളുടെ എണ്ണം 40 ആയി ഉയര്‍ന്നു. ഇവിടെ ഒരാള്‍ക്ക്​ മാത്രമാണ്​ സുഖപ്പെട്ടത്​. വടക്കന്‍ ബാത്തിനയില്‍ ആറു പേര്‍ കൂടി പുതുതായി കോവിഡ്​ ബാധിതരായി.