മലപ്പുറം : കോണ്ഗ്രസ് സ്ഥാനാര്ത്ഥി പട്ടിക വൈകുന്നത് തിരിച്ചടിയാകില്ലെന്നാണ് പ്രതീക്ഷയെന്ന് മുസ്ലിം ലീഗ് നേതാവ് പി.കെ കുഞ്ഞാലിക്കുട്ടി. യുഡിഎഫിന്റെ ആത്മവിശ്വാസം അനുദിനം കൂടുകയാണ്. മുസ്ലീം ലീഗിന്റെ സ്ഥാനാര്ത്ഥി പട്ടിക സ്വീകരിക്കപ്പെട്ടു. എല്ഡിഎഫിന് ഭരണത്തുടര്ച്ച ഉണ്ടാകില്ലെന്നും യുഡിഎഫ് തന്നെ സംസ്ഥാനം ഭരിക്കുമെന്നും കുഞ്ഞാലിക്കുട്ടി പറഞ്ഞു.
മുസ്ലിം ലീഗ് സ്ഥാനാര്ത്ഥി പട്ടിക തയാറാക്കല് ദുഷ്ക്കരമായിരുന്നുവെന്നും യോഗ്യതയുള്ള പലരെയും മാറ്റി നിര്ത്തേണ്ടി വന്നെന്നും പി.കെ കുഞ്ഞാലിക്കുട്ടി പറഞ്ഞു. കുന്ദമംഗലത്ത് സ്വതന്ത്ര സ്ഥാനാര്ത്ഥിയെ രംഗത്തിറക്കാന് കാരണമായത് സ്ഥാനാര്ത്ഥിയുടെ മികവ് പരിഗണിച്ചാണ്. യുവാക്കള്ക്കും പുതിയ സ്ഥാനാര്ത്ഥികള്ക്കും അവസരം കൊടുത്തു. കോണ്ഗ്രസ് സ്ഥാനാര്ത്ഥി പട്ടിക ഉടന് പൂര്ത്തിയാകുമെന്നും കുഞ്ഞാലിക്കുട്ടി പറഞ്ഞു.