തിരുവനന്തപുരം: വലിയ തോതിലാണ് കോവിഡ് വ്യാപനം ഉണ്ടാകുന്നതെന്ന് മുഖ്യമന്ത്രി പിണറായി വിജയന് പറഞ്ഞു. കേന്ദ്ര സര്ക്കാരിന്റെ പുതിയ വാക്സിനേഷന് നയത്തിന്റെ ഫലമായി 18നും 45നും ഇടയില് പ്രായമുള്ളവര്ക്ക് ഉല്പ്പാദകരില് നിന്നും വാക്സിന് സംസ്ഥാനങ്ങള് വിലകൊടുത്തു വാങ്ങേണ്ട സാഹചര്യം വന്നിരിക്കുകയാണ്. ഈ നയം തിരുത്തണമെന്നും എല്ലാവര്ക്കും സൗജന്യമായി വാക്സിന് നല്കണമെന്നും കേന്ദ്രത്തോട് നേരത്തെ തന്നെ ആവശ്യപ്പെട്ടിരുന്നതാണെന്നും മുഖ്യമന്ത്രി പറഞ്ഞു. ഇതുവരെ അനുകൂലമായ നടപടി ഉണ്ടായിട്ടില്ലെന്നും അദ്ദേഹം പറഞ്ഞു.
18 നും 45 നും ഇടയ്ക്ക് പ്രായമുള്ളവര്ക്കു കൂടി വാക്സിന് സൗജന്യമായി നല്കാന് കഴിയുന്ന രീതിയില് കേന്ദ്രസര്ക്കാരിന്റെ വാക്സിന് നയം ഭേദഗതി ചെയ്യണമെന്ന് കേന്ദ്രത്തോട് ഒരിക്കല് കൂടി ആവശ്യപ്പെടാനും മന്ത്രിസഭ തീരുമാനിച്ചതായി മുഖ്യമന്ത്രി അറിയിച്ചു. കേന്ദ്ര സര്ക്കാരിനും സംസ്ഥാനങ്ങള്ക്കും നല്കുമ്ബോള് വ്യത്യസ്ത വില ഈടാക്കുന്നതിന് രാജ്യത്തെ രണ്ട് വാക്സിന് നിര്മ്മാണ കമ്ബനികള്ക്ക് കേന്ദ്രസര്ക്കാര് അനുമതി നല്കിയിരിക്കുകയാണ്. ഈ നയം തിരുത്തണമെന്നും അദ്ദേഹം പറഞ്ഞു. കേന്ദ്രത്തിനു നല്കുന്ന അതേ വിലയ്ക്ക് സംസ്ഥാനങ്ങള്ക്കും വാക്സിന് ലഭിക്കും എന്ന് ഉറപ്പാക്കാന് കേന്ദ്രത്തോട് ആവശ്യപ്പെടുമെന്നും മുഖ്യമന്ത്രി പറഞ്ഞു.