തലശേരി ബ്രണ്ണന് കോളേജിലെ ദ്വന്ദയുദ്ധ വിവാദങ്ങള്ക്ക് ശേഷം മുഖ്യമന്ത്രിയും കെ.പി.സി.സി അധ്യക്ഷന് കെ.സുധാകരനും വീണ്ടും ഏറ്റുമുട്ടുന്നു.
നിയമസഭയിലെ മുഖ്യമന്ത്രി പിണറായി വിജയന്റെ വിമര്ശനങ്ങള്ക്ക് രൂക്ഷ മറുപടിയുമായി കെപിസിസി അധ്യക്ഷന് കെ. സുധാകരന് രംഗത്തെത്തി. പിണറായിയുടെ പൂര്വകാല ചരിത്രം കൊടുംകുറ്റവാളിയുടേതാണ്.
ഗ്ലോറിഫൈഡ് കൊടി സുനി മാത്രമാണ് പിണറായിയെന്നും സുധാകരന് ഫേസ്ബുക്ക് പോസ്റ്റില് കുറിച്ചു. വെണ്ടുട്ടായി ബാബു, വാടിക്കല് രാമകൃഷ്ണന് കേസുകള് ഓര്മിപ്പിച്ചാണ് സുധാകരന്റെ ഫേസ്ബുക്ക് പോസ്റ്റ്.
ഫേസ്ബുക്ക് പോസ്റ്റിന്റെ പൂര്ണരൂപം
എനിക്കും അറിയാത്ത ആളൊന്നുമല്ലല്ലോ പിണറായി വിജയന് താങ്കള്….
മഞ്ഞമുണ്ടും നീലഷര്ട്ടുമിട്ട് കൈക്കോടാലി കൊണ്ട് വാടിക്കല് രാമകൃഷ്ണന്റെ തലച്ചോറ് പിളര്ന്ന ക്രൂരതയുടെ പേരല്ലേ പിണറായി വിജയന്. കൂടപ്പിറപ്പിനെ പോലെ കൂടെനടന്ന വെണ്ടുട്ടായി ബാബുവിനെ നിസ്സാര പിണക്കത്തിന്റെ പേരില് കൊത്തിനുറുക്കിയ പൈശാചികതയുടെ പേരല്ലേ പിണറായി വിജയന്. താങ്കളെ എനിക്കറിയാവുന്ന പോലെ മറ്റാര്ക്കാണ് അറിയാന് കഴിയുക!
വെട്ടേറ്റു പിടഞ്ഞ ബാബുവിനെ ആശുപത്രിയില് കൊണ്ടുപോകാന് പോലും അനുവദിക്കാത്ത മൃഗീയത മറ്റൊരു രാഷ്ട്രീയ നേതാവിലും കേരളം ഇന്നോളം കണ്ടിട്ടുണ്ടാകില്ല. സാമൂഹിക ഭ്രഷ്ട് കല്പിച്ച് ഒറ്റപ്പെടുത്തിയ ആ കുടുംബത്തിന് വേണ്ടി, അന്ന് ആ മൃതദേഹം അടക്കം ചെയ്യാന് പോയത് കണ്ണൂരിലെ കോണ്ഗ്രസുകാരാണ്. ദൃക്സാക്ഷികള് ഭയന്ന് പിന്മാറിയില്ലായിരുന്നെങ്കില് ഏതെങ്കിലും സെന്ട്രല് ജയിലില് ഉണ്ട തിന്നു കിടക്കേണ്ടിയിരുന്ന കൊടുംകുറ്റവാളിയാണ് നിങ്ങള്. ആ പൂര്വകാല ചരിത്രം എന്നെകൊണ്ട് അധികം പറയിപ്പിക്കാതിരിക്കുന്നതാണ് താങ്കള്ക്ക് നല്ലത്.
താങ്കളെപ്പോലൊരു പൊളിറ്റിക്കല് ക്രിമിനല് ഇരിക്കുന്ന നിയമസഭയില് കൂടെ ഇരിക്കേണ്ടി വരുന്നവരെ ഓര്ത്തു എനിക്ക് സങ്കടമുണ്ട്. താങ്കള് ഭരിക്കുന്ന നാട്ടിലെ ജനങ്ങളുടെ അവസ്ഥയില് വിഷമവുമുണ്ട്. പിആര് ഏജന്സികളും കോവിഡും അനുഗ്രഹിച്ചു നല്കിയ തുടര്ഭരണം ഇനിയും അധിക കാലം മുന്നോട്ട് പോകാന് നിങ്ങളെ സഹായിക്കില്ല.
പിണറായി വിജയന്, നിങ്ങളൊരു “ഗ്ലോറിഫൈഡ് കൊടി സുനി ” മാത്രമാണ്. മറ്റുള്ളവരുടെ കണ്ണീരും വിഷമവും കാണുമ്ബോള് സന്തോഷം തോന്നുന്ന അപൂര്വം ക്രൂര ജന്മങ്ങളില് ഒന്ന്.
അനാഥമാക്കപ്പെട്ട ഒരുപാട് കുടുംബങ്ങളുടെ ശാപമുണ്ട് നിങ്ങള്ക്ക് മേല്. വിധവയാക്കപ്പെട്ട ഭാര്യമാര്….മക്കളെ നഷ്ടപെട്ട അമ്മമാര്…. അവരുടെയൊക്കെയും കണ്ണുനീരാണ് ഇന്ന് നിങ്ങളെ മറ്റൊരു രൂപത്തില് വേട്ടയാടുന്നത്.
താങ്കളുടെ ചീഞ്ഞുനാറിയ രാഷ്ട്രീയ പാരമ്ബര്യത്തിന്റെ കഥ പിന്നീടൊരിക്കല് ചര്ച്ച ചെയ്യാം. ഇപ്പോള്, രാജ്യദ്രോഹകുറ്റാരോപണ നിഴലില് നില്ക്കുന്ന മുഖ്യമന്ത്രിയും കുടുംബവും കേരളത്തിന് മറുപടി തന്നേ തീരൂവെന്ന് സുധാകരന് ആവശ്യപ്പെടുന്നു.