ലോക്സഭാ സെക്രട്ടേറിയറ്റ് അണ്പാര്ലമെന്ററി വാക്കുകളുടെ പട്ടിക പുറത്തിറക്കിയതിനെതിരെ കമല് ഹാസന്. മിസ്റ്റര് ഹിറ്റ്ലര് ഇത് ജര്മനിയല്ല എന്നാണ് കമല് ഹാസന്റെ പ്രതികരണം.
ഇത് രാജവാഴ്ചയല്ല, ജനാധിപത്യമാണെന്നും കമല് ഹാസന് പറയുന്നു. ജനാധിപത്യത്തെയും അഭിപ്രായ സ്വാതന്ത്ര്യത്തെയും ഇല്ലാതാക്കാനുള്ള ശ്രമമാണ് നടക്കുന്നതെന്നും വിമര്ശിക്കാനുള്ള അവകാശം തടയുന്നത് ഭരണഘടനയുടെ നഗ്നമായ ലംഘനമെന്നും കമല് ഹാസന് ആരോപിച്ചു.
പാര്ലമെന്റില് ചില വാക്കുകള് ഉപയോഗിക്കരുതെന്ന നിര്ദ്ദേശം വന്നിരിക്കുകയാണ്. അഴിമതി, സ്വേച്ഛാധിപതി, നാട്യക്കാരന്, മന്ദബുദ്ധി, കൊവിഡ് വ്യാപി തുടങ്ങിയ പദങ്ങളും ഉപയോഗിക്കരുത്. അരാജകവാദി, ശകുനി തുടങ്ങിയ ഒരു കൂട്ടം വാക്കുകള്ക്കും വിലക്ക് ഏര്പ്പെടുത്തിയിട്ടുണ്ട്. ഇവയൊക്കെ ഉപയോഗിച്ചാല് അത് സഭാരേഖകളില് നിന്ന് നീക്കം ചെയ്യും. ലോക്സഭ സെക്രട്ടറിയേറ്റ് പുറത്തിറക്കിയ പുതിയ ബുക്ക് ലെറ്റിലാണ് ഇതു സംബന്ധിച്ച നിര്ദേശം ഉള്ളത്. വര്ഷകാല സമ്മേളനം തുടങ്ങുന്നതിന് മുന്നോടിയായാണ് നിര്ദേശങ്ങള്.