ന്യൂഡല്ഹി: പെഗാസസ് അന്വേഷണ റിപ്പോര്ട്ട് സുപ്രീംകോടതിയില് സമര്പ്പിച്ചു. വിരമിച്ച ജസ്റ്റിസ് ആര് വി രവീന്ദ്രന് അധ്യക്ഷനായ സമിതിയാണ് റിപ്പോര്ട്ട് സുപ്രീം കോടതിക്ക് കൈമാറിയത്.ഈ മാസം 12ന് കേസ് പരിഗണിക്കുമ്ബോള് ഉള്ളടക്കം സുപ്രീം കോടതി വിലയിരുത്തും.
ഡിജിറ്റല് ഫോറന്സിക് പരിശോധന ഫലം അടക്കമുള്ളതാണ് റിപ്പോര്ട്ട്. ചീഫ് ജസ്റ്റിസ് എന്.വി.രമണ അധ്യക്ഷനായ ബെഞ്ചാണ് കേസ് പരിഗണിക്കുന്നത്. പെഗാസസ് ഇടക്കാല റിപ്പോര്ട്ട് മേയ് മാസത്തില് സമിതി നല്കിയിരുന്നെങ്കിലും ഈ റിപ്പോര്ട്ട് പരസ്യപ്പെടുത്തുന്നതിനെ എതിര്ത്ത് കേന്ദ്ര സര്ക്കാര് രംഗത്തെത്തി ഇരുന്നു . സമിതിയുടെ ഇടക്കാല റിപ്പോര്ട്ടില് 29 മൊബൈല് ഫോണുകള് പരിശോധിച്ചെന്ന വിവരം ഉണ്ടെന്ന് ചീഫ് ജസ്റ്റിസ് എന് വി രമണ അറിയിച്ചു.