പത്തനംതിട്ട: കാശ്മീരിനെക്കുറിച്ച് ഫേസ്ബുക്കില് വിവാദമായ പരാമര്ശം നടത്തിയ സംഭവത്തില് മുന്മന്ത്രിയും എം എല് എയുമായ കെ.ടി ജലീലിനെതിരെ പൊലീസ് കേസെടുത്തു.
കീഴ്വായ്പൂര് പൊലീസ് ആണ് കേസെടുത്തത്. തിരുവല്ല കോടതി ഉത്തരവിനെത്തുടര്ന്നാണ് നടപടി. ജലീലിന്റെ പോസ്റ്റ് കലാപ ഉദ്ദേശത്തോടെയാണെന്നാണ് എഫ് ഐ ആറില് പറയുന്നത്.
ജലീലിനെതിരെ നടപടി ആവശ്യപ്പെട്ട് ആര്.എസ്.എസ് നേതാവും മല്ലപ്പള്ളി എഴുമറ്റൂര് സ്വദേശിയുമായ അരുണ് മോഹന് നല്കിയ ഹര്ജിയില് തിരുവല്ല ഒന്നാം ക്ലാസ് ജുഡീഷ്യല് മജിസ്ട്രേട്ട് രേഷ്മ ശശിധരനാണ് കേസെടുക്കാന് കീഴ്വായ്പൂര് എസ്.എച്ച്.ഒയ്ക്ക് നിര്ദ്ദേശം നല്കിയത്.
കേസെടുക്കണമെന്ന ആവശ്യം ഉന്നയിച്ച് കീഴ്വായ്പൂര് പൊലീസ് സ്റ്റേഷനില് പരാതി നല്കിയിട്ടും നടപടി ഇല്ലാതിരുന്ന സാഹചര്യത്തിലാണ് അരുണ് കോടതിയെ സമീപിച്ചത്. പാക് അധിനിവേശ കാശ്മീരിനെ ‘ആസാദ് കാശ്മീര്’ എന്ന് ഫേസ്ബുക്കില് പോസ്റ്റിട്ടതാണ് വിവാദമായത്. വ്യാപക വിമര്ശനം ഉയര്ന്നതോടെ ജലീല് പോസ്റ്റ് പിന്വലിച്ചിരുന്നു.