വിഴിഞ്ഞത്ത് കലാപം സാഹചര്യം ഉണ്ടാകാന് കാരണം സര്ക്കാരിന്റെ പിടിപ്പുകേടാണെന്ന് ബിജെപി സംസ്ഥാന അദ്ധ്യക്ഷന് കെ.സുരേന്ദ്രന്.
ഇന്റലിജന്സ് സംവിധാനങ്ങളുടെ പരാജയമാണ് ഇത്രയും വ്യാപകമായ അക്രമം ഭരണസിരാ കേന്ദ്രത്തിനടത്ത് നടക്കാന് കാരണം. സര്ക്കാരിലെ ഒരു വിഭാഗം സമരക്കാര്ക്ക് ഒത്താശ ചെയ്തപ്പോള് ചിലര് ജനങ്ങള്ക്കൊപ്പമാണെന്ന് തെറ്റിദ്ധരിപ്പിക്കാന് ശ്രമിച്ചു.(k surendran on vizhinjam protest)
ഹൈക്കോടതി നിരവധി തവണ ശക്തമായ നടപടിയെടുക്കാന് സര്ക്കാരിനോട് ആവശ്യപ്പെട്ടെങ്കിലും ഭരണകൂടം മൃദുസമീപനം കൈക്കൊള്ളുകയായിരുന്നു. വേണ്ടത്ര പൊലീസിനെ വിഴിഞ്ഞത്ത് വിന്യസിക്കാതെ സമരം കലാപമായി മാറിയത് സര്ക്കാരിന്റെ പരാജയമാണ്. കഴിഞ്ഞ ദിവസം പൊലീസിന്റെ കണ്മുന്നിലാണ് തുറമുഖ വിരുദ്ധ സമരക്കാര് സമരത്തെ എതിര്ക്കുന്നവരെ ആക്രമിച്ചത്. സംസ്ഥാനത്തെ ആഭ്യന്തര വകുപ്പ് പൂര്ണമായും പരാജയപ്പെട്ടെന്ന് കെ.സുരേന്ദ്രന് കുറ്റപ്പെടുത്തി.
അതേസമയം വിഴിഞ്ഞത്ത് വീണ്ടും സംഘര്ഷാവസ്ഥ. മത്സ്യത്തൊഴിലാളികള് വിഴിഞ്ഞം പൊലീസ് സ്റ്റേഷന് വളഞ്ഞു. സംഘര്ഷത്തില് 30 ലേറെ പൊലീസുകാര്ക്ക് പരുക്കുണ്ട്. പൊലീസ് സ്റ്റേഷനുള്ളിലും പരിസരത്തുമാണ് അക്രമം നടക്കുന്നത്. പരുക്കേറ്റവരെ കൊണ്ടുപോകാനെത്തിയ ആംബുലന്സ് സമരക്കാര് തടഞ്ഞു. ഇവരെ ആശുപത്രിയിലേക്ക് മാറ്റി.