ന്യൂഡല്ഹി: പീയുഷ് ഗോയല് അവതരിപ്പിച്ച ഇടക്കാല ബജറ്റിനെ അതിരൂക്ഷമായി വിമര്ശിച്ച് സിപിഎം. ബജറ്റിലെ പ്രഖ്യാപനങ്ങള് പൊള്ളയായ വാഗ്ദാനങ്ങള് ആണെന്ന് പാര്ട്ടി ജനറല് സെക്രട്ടറി സീതാറാം യെച്ചൂരി പറഞ്ഞു.
10 കോടി തൊഴില് അവസരങ്ങള്, 100 സ്മാര്ട് നഗരങ്ങള്, കര്ഷക വരുമാനം ഇരട്ടിയാക്കല്, 15 ലക്ഷം രൂപ ജനങ്ങളുടെ അക്കൗണ്ടില് നിക്ഷേപിക്കും തുടങ്ങിയ പഴയ വാഗ്ദാനങ്ങള് ഒന്നും എന്ഡിഎ സര്ക്കാര് നടപ്പാക്കിയിട്ടില്ലെന്നും യച്ചൂരി കുറ്റപ്പെടുത്തി.
മുന്പത്തെപ്പോലെ ജനങ്ങളെ വിഢിയാക്കാനുള്ള ശ്രമം ഇത്തവണ വിലപ്പോവില്ലെന്നും യെച്ചൂരി കൂട്ടിച്ചേര്ത്തു.