തിരുവനന്തപുരം: രാഹുല് ഗാന്ധിക്കെതിരെ നടത്തിയ പരാമര്ശത്തില് മുന് എംപി ജോയ്സ് ജോര്ജിനെ തിരുത്തി മുഖ്യമന്ത്രി പിണറായി വിജയന്. വ്യക്തിപരമായി രാഹുല് ഗാന്ധിയെ തങ്ങള് ആക്രമിക്കാറില്ല. രാഷ്ട്രീയ വിമര്ശനം മാത്രമാണ് രാഹുലിന് എതിരെയുള്ളതെന്നും മുഖ്യമന്ത്രി പറഞ്ഞു.
രാഹുല് വിദ്യാര്ഥിനികളുമായി സംവദിക്കുന്നതിനെക്കുറിച്ച് മോശം രീതിയിലായിരുന്നു മുന് എംപി പരാമര്ശം നടത്തിയത്. ഇടുക്കി ഇരട്ടയാറിലായിരുന്നു ജോയ്സ് ജോര്ജിന്റെ വിവാദ പരാമര്ശം.
അതേസമയം ജോയ്സിനെ പിന്തുണച്ച് അദ്ദേഹത്തോടൊപ്പം വേദിയിലുണ്ടായിരുന്ന എം എം മണി രംഗത്തെത്തി. ജോയ്സ് സ്ത്രീ വിരുദ്ധ പരമാര്ശം നടത്തിയിട്ടില്ലെന്നും രാഹുലിനെ വിമര്ശിക്കുക മാത്രമാണുണ്ടായതെന്നുമായിരുന്നു എം എം മണി പറഞ്ഞു. കോണ്ഗ്രസ് അനാവശ്യ വിവാദമുണ്ടാക്കി വോട് പിടിക്കാന് ശ്രമിക്കുകയാണെന്നും അദ്ദേഹം കൂട്ടിച്ചേര്ത്തു.