ശബരിമല യുവതീ പ്രവേശനത്തില് പ്രതിഷേധിച്ച് പത്തനംതിട്ട ജില്ലയില് നടന്ന അക്രമങ്ങളുമായി ബന്ധപ്പെട്ട് 76 കേസുകള് രജിസ്റ്റര് ചെയ്തു. ഇതില് 9 കേസുകള് അടൂരിലാണ്. അവിടെ അധികമായി പൊലീസിനെ വിന്യസിച്ചിട്ടുണ്ട്. ജില്ലയില് ഇതുവരെ 110 പേര് അറസ്റ്റിലായി. ഇവരില് 85 പേര്ക്ക് ജാമ്യം ലഭിച്ചു. 25 പേരെ റിമാന്റ് ചെയ്തു. ജില്ലയില് 204 പേര് കരുതല് തടങ്കലിലാണെന്നും ഡിജിപി അറിയിച്ചു.
കണ്ണൂര് ജില്ലയിലെ അക്രമ സംഭവങ്ങള് തടയാന് പൊലീസ് കനത്ത ജാഗ്രത പുലര്ത്തി വരികയാണെന്ന് സംസ്ഥാന പൊലീസ് മേധാവി ലോക്നാഥ് ബെഹറ.
രാഷ്ട്രീയ നേതാക്കളുടെ വീടിനു നേര്ക്ക് നടന്ന ആക്രമണങ്ങള്ക്ക് ഉത്തരവാദികളായവരെ പിടികൂടി നടപടി സ്വീകരിക്കാന് കണ്ണൂര് ജില്ലാ പൊലീസ് മേധാവിക്ക് അദ്ദേഹം നിര്ദ്ദേശം നല്കി.സംഭവമുമായി ബന്ധപ്പെട്ട് കഴിഞ്ഞ രാത്രിയില് 19 പേരെ കരുതല് തടങ്കലില് എടുത്തിട്ടുണ്ട്.
കണ്ണൂരില് സിപിഎംആര്എസ്എസ് വ്യാപക അക്രമം തുടരുകയാണ്. ഹര്ത്താല് മുതല് വ്യാപകമായി തലശേരിയില് സിപിഎം ബിജെപി നേതാക്കളുടെ വീടിന് നേരെ ആക്രമണമുണ്ടായിരുന്നു.
അതേസമയം സംഘര്ഷ ബാധിത പ്രദേശങ്ങളില് വ്യാപകമായി പൊലീസിനെ വിന്യസിച്ചിട്ടുണ്ട്. പൊലീസുകാരോട് ലീവുകളും ഓഫറുകളും റദ്ദാക്കി മടങ്ങി എത്താന് നിര്ദേശം നല്കിയിട്ടുണ്ട്.