റിയാദ്​: സൗദി അറേബ്യയില്‍ ഇന്ന്​ പുതിയ രോഗികളുടെ എണ്ണം കുത്തനെ ഉയര്‍ന്നു. 1552 ആളുകളിലാണ്​ പുതുതായി രോഗം കണ്ടെത്തിയത്​.​ രാജ്യത്ത്​ ഇതുവരെ റിപ്പോര്‍ട്ട്​ ചെയ്യ​പ്പെട്ട കോവിഡ്​ കേസുകളുടെ എണ്ണം 27011 ആയി. 3,52,555 കോവിഡ്​ പരിശോധനകളാണ്​ ഇതുവരെ നടത്തിയത്​. കഴിഞ്ഞ 24 മണിക്കൂറിനിടെ രാജ്യത്ത്​ എട്ടുപേര്‍ കോവിഡ്​ മൂലം മരിച്ചു.

ദമ്മാമിലും ജിദ്ദയിലും ഒാരോ സൗദി പൗരന്മാരും മക്കയില്‍ മൂന്നും റിയാദിലും മദീനയിലും ജിദ്ദയിലും ഒരോന്ന്​ വീതവും വിദേശികളുമാണ്​​ മരിച്ചത്​. 32നും 84നും ഇടയില്‍ പ്രായമുള്ളവരാണ്​ മരിച്ചവര്‍. പുതിയ രോഗികളില്‍ 84 ശതമാനം പുരുഷന്മാരും 16 ശതമാനം സ്​ത്രീകളുമാണെന്ന്​ ആരോഗ്യമന്ത്രാലയ വക്താവ്​ ഡോ. മുഹമ്മദ്​ അബ്​ദു അല്‍അലി വാര്‍ത്താസമ്മേളനത്തില്‍ പറഞ്ഞു.

അതില്‍ 19 ശതമാനം സൗദികളും 81 ശതമാനം വിദേശികളുമാണ്​. ഇതില്‍ അഞ്ച്​​ ശതമാനം കുട്ടികളും രണ്ട്​ ശതമാനം കൗമാരക്കാരും 93 ശതമാനം മുതിര്‍ന്നവരുമാണ്​. 24 മണിക്കൂറിനിടെ 369 പേര്‍ സുഖം പ്രാപിച്ചതോടെ രോഗമുക്തരുടെ എണ്ണം 4134 ആയി ഉയ​ര്‍ന്നു. ചികിത്സയില്‍ കഴിയുന്ന 22693 ആളുകളില്‍ 139 പേര്‍ ഗുരുതരാവസ്ഥയില്‍ തീവ്രപരിചരണ വിഭാഗത്തിലാണ്​.

രോഗികളെ കണ്ടെത്താന്‍ ആരോഗ്യ വകുപ്പ്​ രാജ്യവ്യാപകമായി നടത്തുന്ന ഫീല്‍ഡ്​ സര്‍വേ 17 ദിവസം പിന്നിട്ടു. വീടുകളിലും മറ്റ്​ താമസകേന്ദ്രങ്ങളിലും ചെന്നുള്ള മെഡിക്കല്‍ ടീമി​​െന്‍റ പരിശോധന തുടരുകയാണ്​. മൂന്നുപേര്‍ കൂടി മരിച്ചതോടെ മക്കയില്‍ മരണസംഖ്യ 78ഉം രണ്ടുപേര്‍ കൂടി മരിച്ച്‌​ ജിദ്ദയില്‍ 47ഉം ആയി.

പുതിയ രോഗികള്‍: ജിദ്ദ 245, മക്ക 221, ജുബൈല്‍ 156, ദമ്മാം 150, മദീന 139, ബേഷ്​ 111, റിയാദ്​ 109, സഫ്​വ 109, ത്വാഇഫ്​ 68, ഖോബാര്‍ 66, ഹുഫൂഫ്​ 55, ദഹ്​റാന്‍ 32, അല്‍മജരാരിദ 17, സുല്‍ഫി 12, അല്‍ഖര്‍ജ്​ 10, അല്‍ബാഹ 10, ഖുറയാത്ത്​ അല്‍ഉലിയ 7, നാരിയ 6, ഖത്വീഫ്​ 5, ബീഷ 5, യാംബു 4, ബുറൈദ 3, ദിരിയ 3, മന്‍ദഖ്​ 2, അദം 1, സഫ്​വ 1, ബുഖൈരിയ 1, മജ്​മഅ 1, റാബിഗ്​ 1, അല്‍റാസ്​ 1, ബല്‍ജുറഷി 1.

മരണസംഖ്യ: മക്ക 78, ജിദ്ദ 47, മദീന 33, റിയാദ്​ 8, ഹുഫൂഫ്​ 4, ദമ്മാം 4, ജുബൈല്‍ 2, അല്‍ഖോബാര്‍ 2, ജീസാന്‍ 1, ഖത്വീഫ് 1​, ഖമീസ്​ മുശൈത്ത് 1​, ബുറൈദ 1, അല്‍ബദാഇ 1, തബൂക്ക്​ 1.