ന്യൂഡല്ഹി: റഫാല് ഇടപാടിലെ വെളിപ്പെടുത്തലില് പ്രധാനമന്ത്രി നരേന്ദ്ര മോദിയെ ന്യായീകരിച്ച് പ്രതിരോധമന്ത്രി നിര്മല സീതാരാമന്. ഇക്കാര്യത്തില് പ്രധാനമന്ത്രിയുടെ ഓഫീസ് നടത്തിയത് വിലയിരുത്തല് മാത്രമാണ്. ഇടപെടലായി വ്യാഖ്യാനിക്കേണ്ടതില്ലെന്നും പ്രതിരോധമന്ത്രി ലോക്സഭയില് പറഞ്ഞു.
അതേസമയം, കേന്ദ്ര സര്ക്കാരിനെതിരേ ലോക്സഭയിലെ കോണ്ഗ്രസിന്റെ കക്ഷി നേതാവ് മല്ലികാര്ജുന് ഖാര്ഗെ രംഗത്തെത്തി. റഫാലില് ഇനിയും വിശദീകരണത്തിന്റെ ആവശ്യമില്ല. വിശദീകരണം നല്കാതെ ജെപിസി അന്വേഷണത്തിന് ഉത്തരവിടണമെന്നാണ് തങ്ങളുടെ ആവശ്യമെന്നും അദ്ദേഹം പറഞ്ഞു.